परेश रावल यांचा द ताज स्टोरी सेन्सॉर बोर्डच्या तडाख्यात

मुंबई – परेश रावल अभिनित ताज स्टोरी या चित्रपटाची घोषणा होताच देशभरात उत्सुकता आणि चर्चेची लाट निर्माण झाली आहे. स्वर्णिम ग्लोबल सर्व्हिसेस प्रा. लि., सीए सुरेश झा, लेखक-दिग्दर्शक तुषार अमरीश गोयल आणि क्रिएटिव्ह प्रोड्युसर विकास राधेश्याम यांनी स्वातंत्र्यदिनाच्या निमित्ताने या चित्रपटाची घोषणा केली होती. या चित्रपटात परेश रावल सोबत झाकीर हुसेन, अमृता खानविलकर, स्नेहा वाघ, नमित दास, वीणा झा, लतिका वर्मा, स्वर्णिम आणि सर्वगया या कलाकारांचा सहभाग आहे. हा चित्रपट आपल्या काळातील अनेक गुप्त प्रश्नांना भिडणारा एक प्रभावी सामाजिक चित्रपट आहे.

चित्रपटाबद्दल असलेल्या चर्चेत असे म्हटले जाते, “ताजमहाल हा जगातील सात आश्चर्यांपैकी एक आहे आणि त्याच्याशी निगडित अनकथित गोष्टींवर हा चित्रपट आधारित आहे. संवेदनशील आशयामुळे सेन्सॉर बोर्डाने या चित्रपटाला प्रदर्शनाची परवानगी देण्यासाठी अनेक महिने लावले. परीक्षण प्रक्रियेदरम्यान दिग्दर्शक आणि निर्मात्यांना चित्रपटातील दावे आणि सर्जनशील प्रामाणिकता सिद्ध करण्यासाठी विस्तृत पुरावे व कागदपत्रे सादर करावी लागलीत. त्यामुळे या चित्रपटाचा प्रदर्शना पर्यंतचा प्रवास त्याच्या कथानका इतकाच नाट्यमय ठरला.”

ही कठोर प्रक्रिया निर्मात्यांसाठी आव्हानात्मक असली तरी, त्यातून चित्रपटाविषयीची उत्कंठा अधिकच वाढली आहे. उद्योगातील जाणकारांचे मत आहे की, सेन्सॉर बोर्डाच्या काटेकोर परीक्षणानंतर झालेली अखेरची परवानगी चित्रपटाच्या प्रामाणिकतेला दुजोरा देते आणि द ताज स्टोरी ला एक धाडसी सिनेमा विधान म्हणून सादर होण्याचा मार्ग मोकळा करते. दमदार कथानक आणि प्रभावी अभिनयामुळे हा चित्रपट प्रदर्शित झाल्यानंतर व्यापक चर्चा व वाद निर्माण करेल, अशी अपेक्षा आहे.

तुषार अमरीश गोयल लिखित-दिग्दर्शित, विकास राधेश्याम यांनी चित्रपटाची क्रिएटिव्ह बाजू सांभाळी आहे. रोहित शर्मा संगीतकार असलेल्या या चित्रपटाला केवळ ऐतिहासिक किंवा पिरियड फिल्म म्हणून मर्यादित करता येणार नाही. हा चित्रपट एक कलात्मक वादळ आहे जो प्रचलित समजुतींना आव्हान देण्याचा प्रयत्न करतो. चित्रपटाचा एक प्रमुख आशय म्हणजे ताजमहालाविषयी चालू असलेला वाद — तो खरोखर शाहजहांनी बांधला होता का? की इतिहासामागे अजूनही काही गुंतागुंतीचे आणि लपलेले सत्य दडले आहे? हे सगळे मुद्दे येथे स्पष्ट होतील.

३१ ऑक्टोबर २०२५ रोजी देशभर प्रदर्शित होणारा द ताज स्टोरी हा केवळ एक चित्रपट नसून, एक संवादाची सुरुवात ठरणार आहे. हा चित्रपट प्रेक्षकांना इतिहास ओळख आणि स्वातंत्र्य याविषयी नवी दृष्टी देण्यासाठी प्रवृत्त करेल.