मनोरंजनमहाराष्ट्रविशेषशहर

दीपिका चिखलिया यांच्या ‘धरतीपुत्र नंदिनी’ मालिकेच्या २०० भागांच्या धावा पूर्ण !

मुंबई (प्रतिनिधी ) – अभिनेत्री दीपिका चिखलिया यांनी ‘रामायण’ या टीव्ही मालिकेतील सीतेची भूमिका साकारून सर्वांच्या मनात उच्च स्थान प्राप्त केले आहे . त्याच बरोबर त्यांच्या ‘धरतीपुत्र नंदिनी’ शोच्या २०० भागांच्या यशस्वी प्रवासाचा आनंद त्यांनी ‘जय श्री राम’ च्या घोषणा देत साजरा केला . हा आनंद साजरा करताना त्यांनी ‘धरतीपुत्र नंदिनी’ शो च्या सेटवर आपल्या सर्व टीम सोबत केक कटिंग केली.

या प्रसंगी नंदिनीची भूमिका साकारणारी शगुन सिंग आणि आकाशची भूमिका साकारणारा अमन जैस्वाल, लेखक हर्षा जी, क्रिएटिव्ह प्रोड्यूसर धीरज मिश्रा आणि संपूर्ण टीम उपस्थित होती. ‘धरतीपुत्र नंदिनी’ ही मालिका दर सोमवार ते शुक्रवार रात्री ८:३० वाजता ‘नजारा’ टीव्हीवर प्रसारित होते.

दीपिका चिखलिया यांनी आपल्या अनुभवाबद्दल सांगताना म्हटले, “या मालिकेचे २०० भाग कसे पूर्ण झाले आणि एक वर्ष कसे निघून गेले हे आम्हाला कळलेच नाही. डीटीसी मूव्हीज प्रोडक्शन हाऊस सुरू करण्यात धीरज मिश्राने मला खूप मदत केली. त्यांनी मला त्यांच्या एका चित्रपटात एक अतिशय गोंडस व्यक्तिरेखा साकारायला दिली होती आणि जेव्हा मी त्यांना निर्माता होण्याबद्दल सांगितले तेव्हा काही महिन्यांतच त्यांनी या दिशेने काम करण्यास सुरुवात केली. ‘धरतीपुत्र नंदिनी’ ची कथा ऐकताच माझ्या हृदयाला स्पर्शून गेली आणि मला खूप आनंद झाला की नजारा टीव्हीने अशी कथा प्रसारित करण्यास आम्हाला सहमती दिली. नजारा टीव्ही बरोबर काम करणारे कर्मचारी ही खूप सपोर्टिव्ह आहेत आणि ही मालिका बनविण्यासाठी आम्हाला खूप पाठिंबा ही दिला.”

दीपिका चिखलिया यांनी निर्मात्याची आव्हानात्मक भूमिका साकारल्याबद्दल त्यांचे पती हेमंत टोपीवाला, धीरज मिश्रा, नजारा टीव्ही अधिकारी, सर्व कलाकार आणि टेक्निकल टीम यांचे मनापासून आभार व्यक्त केले. या शोमध्ये त्या सुमित्रा देवीची महत्त्वाची भूमिका साकारत आहेत.

प्रेक्षकांचे आणि चाहत्यांचेही आभार मानून दीपिका चिखलिया यांनी शो ला मिळत असलेल्या प्रतिसादाबद्दल आनंद व्यक्त केला. ‘धरतीपुत्र नंदिनी’च्या आगामी भागांमध्ये आणखी रोमांचक कथा आणि नवीन वळणे प्रेक्षकांना अनुभवायला मिळतील असेही नमूद केले.

या मालिकेत शगुन सिंह यांची मुख्य भूमिका आहे. 200 भाग पूर्ण झाल्याने त्यांचा ही आनंद गगनात मावळेनासा झाला होता. 200 भाग पूर्ण झाल्याच्या पार्टीत तिने खूप डान्स केला आणि म्हणाली की मी स्वतःला खूप भाग्यवान समजते की मला धरतीपुत्र नंदिनी मधील नंदिनीचा रोल करण्याची संधी मिळाली. मी मालिका निर्मात्या दीपिका चिखलिया, ज्यांना मी माझ्या आईस्थानी मानते , तसेच नजारा टीव्हीशी संबंधित लोक, धीरज मिश्रा आणि माझ्या सर्व सहकारी कलाकारांचे आभार मानते. प्रेक्षकांनी माझी भूमिका, माझा लूक आणि माझी बोलण्याची शैली याला प्रचंड प्रतिसाद दिला याबद्दल मला खूप आनंद आहे.

धरतीपुत्र नंदिनी या टीव्ही शोची कथा एका ‘शेतकऱ्याच्या मुली’ ची आहे, जी मातीशी घट्ट जोडलेली आहे. धरती मातेच्या हितासाठी ती खूप संघर्ष करायला तयार असते. पृथ्वी मातेवर अपार प्रेम असलेली नंदिनी, सुमित्रा देवींना भेटते, ज्या आपल्या कुटुंबाची जबाबदारी सांभाळू शकेल आणि परदेशातून परत येऊ इच्छिणाऱ्या आपला नातू आकाशला प्रभावित करू शकेल अशा मुलीच्या शोधात आहेत. सुमित्रा देवी आकाशसाठी नंदिनीची निवड करते पण ‘शेतकऱ्याची मुलगी’ आकाशचे मन जिंकून कुटुंबाला एकत्र आणू शकेल का, यासाठी तुम्हाला नजारा टीव्हीवरील धरतीपुत्र नंदिनी ही मालिका पाहावी लागेल. ज्यामध्ये खूप मनोरंजन, चांगले कथानक आणि उत्तम अभिनय आहे.

Related Articles

Leave a Reply

Your email address will not be published. Required fields are marked *

Back to top button